ਰੱਬਾ ਕਦੇ ਵੀ ਮਾਂ ਮੇਰੀ ਦਾ ਵਾਲ ਵਿੰਗਾ ਨਾ ਹੋਵੇ

 

 

ਮੇਰੀ ਜਿੰਦਗੀ ਦੇ ਹਰ ਦੁੱਖ ਨੂੰ ਆਪਣੇ ਪਿੰਡੇ ਢੋਵੇ

ਰੱਬਾ ਕਦੇ ਵੀ ਮਾਂ ਮੇਰੀ ਦਾ ਵਾਲ ਵਿੰਗਾ ਨਾ ਹੋਵੇ

ਭਾਵੇਂ ਉਹਦੇ ਬੁੱਢੇ ਹੱਢ ਨੇ ਹੁਣ ਖਾਂਦੇ ਡਿੱਕੇ ਡੋਲੇ

ਅੱਧੀ ਰਾਤ ਜੇ ਆਵਾਂ ਤਾਂ ਉਹ ਬੂਹਾ ਫਿਰ ਵੀ ਖੋਲੇ

ਮੇਰੇ ਬਿਨ ਰੋਟੀ ਨਾ ਖਾਵੇਂ ਜਿੰਨੀ ਮਰਜ਼ੀ ਭੁੱਖੀ ਹੋਵੇ

ਰੱਬਾ ਕਦੇ ਵੀ ਮਾਂ ਮੇਰੀ ਦਾ ਵਾਲ ਵਿੰਗਾ ਨਾ ਹੋਵੇ

ਮੈਂ ਜੁਆਨ ਤੇ ਉਹ ਦਿਨ ਪੁਰ ਦਿਨ ਹੋ ਰਹੀ ਏ ਬੁੱਢੀ

ਉਹਦੀਆਂ ਅਸੀਸਾਂ ਦੇ ਨਾਲ ਹੀ ਮੇਰੀ ਚੜ੍ਹੀ ਏ ਗੁੱਡੀ

ਜੇ ਉਹਨੂੰ ਕਿਤੇ ਤਾਪ ਚੜ੍ਹੇ ਤਾਂ ਅੱਖ ਮੇਰੀ ਬੜਾ ਰੋਵੇ

ਰੱਬਾ ਕਦੇ ਵੀ ਮਾਂ ਮੇਰੀ ਦਾ ਵਾਲ ਵਿੰਗਾ ਨਾ ਹੋਵੇ

ਪੂਰੀ ਹੋ ਗਈ ਰੀਝ ਪੁਰਾਣੀ ਮੁੱਦਤਾਂ ਦੀ
ਸੁਪਨੇ ਵਾਂਗੂੰ ਲਗ ਰਿਹੈ ਇਹ ਪਲ ਮੈਨੂੰ
ਐਡੀ ਕਿਸਮਤ ਚਾਨੇ ਦੀ ਹੋ ਸਕਦੀ ਨਹੀਂ
ਲਗ ਰਿਹੈ ਜ਼ਿੰਦਗੀ ਦਾ ਕੋਈ ਛਲ ਮੈਨੂੰ

ਖੁਸ਼ੀ ਦੇ ਪਲ ਮਾਣ ਲਵਾਂ, ਮੇਰੀ ਕਿਸਮਤ ਵਿਚ ਨਹੀਂ

ਖੁਸ਼ੀ ਦੇ ਪਲ ਮਾਣ ਲਵਾਂ, ਮੇਰੀ ਕਿਸਮਤ ਵਿਚ ਨਹੀਂ
ਪਰ ਆਸ ਦੇ ਨਾਲ ਫਿਰ ਵੀ ਜ਼ਿੰਦਗੀ ਜੀਅ ਰਿਹਾ ਹਾਂ ਮੈਂ..... ਅਜਮੇਰ ਚਾਨਾ

ਸਾਡੀ ਫਿਤਰਤ ਹੈ ਪਰਿੰਦਿਆਂ ਨੂੰ ਪਰਵਾਜ਼ ਦੇਣ ਦੀ

 

ਜੀਅ ਤਾਂ ਮੈਂ ਵੀ ਲਵਾਂ ਹੋਰ
ਜੇਕਰ ਜੀਊਣ ਦਾ ਬਹਾਨਾ ਹੋਵੇ
ਪਰ ਕੀ ਕਰਾਂ
ਤੇਰੇ ਤੋਂ ਅੱਗੇ
ਸਾਰੇ ਬਹਾਨੇ
ਬਹਾਨੇ ਬਣ ਰਹਿ ਜਾਂਦੇ ਨੇ
ਤੇ ਤੂੰ
ਉਹਨਾਂ ਬਹਾਨਿਆਂ
ਦੀ ਮੁੱਕੀ ਹੋਈ ਆਸ

ਨੈਣਾਂ ਨੂੰ ਜੇ ਗੱਲ ਸਮਝ ਆਉਂਦੀ ਨੈਣਾਂ ਦੀ

ਨੈਣਾਂ ਨੂੰ ਜੇ ਗੱਲ ਸਮਝ ਆਉਂਦੀ ਨੈਣਾਂ ਦੀ

ਬਾਤ ਕਦੇ ਨਾ ਪੈਂਦੀ ਚਾਨਿਆਂ ਵੈਣਾਂ ਦੀ

ਹਰ ਕੋਈ ਕਹਿੰਦਾ ਮੈਂ ਤਾਂ ਯਾਰੋ ਮੁੱਛ ਰੱਖੀ

ਹਰ ਕੋਈ ਕਹਿੰਦਾ ਮੈਂ ਤਾਂ ਯਾਰੋ ਮੁੱਛ ਰੱਖੀ, ਕਿਸੇ ਦੀ ਨਜ਼ਰ ਚ ਡਿੱਗਿਆ ਨਹੀਂ, ਕੋਈ ਨਹੀਂ ਕਹਿੰਦਾ
ਪਰ ਮੁੱਛਾਂ ਨਾਲੋਂ ਇੱਜ਼ਤਾਂ ਦਾ ਮੁੱਲ ਵੱਧ ਹੁੰਦਾ, ਮੈਂ ਨ੍ਹੀਂ ਕਹਿੰਦਾ 'ਚਾਨਿਆ' ਇਹ ਤਾਂ ਜੱਗ ਕਹਿੰਦਾ